¿Dónde estoy?  > Noticias de los lectores

Roxelio Martinez Lodos, nace hai 66 anos na localidade de Trabada (Lugo) nunha familia da labregos, alí vive ata os 19 anos. Das súas vivencias de cativo destaca a súa aprendizaxe no colexio “Celso Curras”, e moi especialmente ao profesor Celso Curras, de quen hoxe recibe o nome o colexio, do que foi discípulo, toda unha institución no ensino lucense, segundo comenta Roxelio. En 1963 emigra a Barcelona, da man dun amigo e veciño que o acolleu na súa casa e lle buscou traballo na principal fabrica téxtil de Sabadell, na que traballa toda a súa vida laboral, xubilándose coa categoría de “Contramestre”, un dos cargos máis importantes da empresa. Desde a súa chegada a Sabadell sempre estivo xunguido a Galicia, á que voltou despois de facer a mili, para casarse coa súa noiva de sempre, hoxe a súa muller Pepita Díaz coa que formou a súa familia en Sabadell da que teñen dous fillos e dous netos.

As súas inquedanzas altruístas sempre lle fixeron colaborar con diversas asociacións, ata que a principios da década dos oitenta se fai socio do que entón era o “Grupo Nós”, sendo elixido presidente ao pouco tempo, baixo a súa presidencia converteuse no Centro Galego Nós de Sabadell, e a súa pegada galega na cidade de Sabadell está chea de galeguidade, do que el máis gozoso se atopa é dos sete nomes galegos de prazas e rúas na cidade, seis baixo a súa presidencia, así como de haber mercado as instalacións que hoxe ten a entidade: A Praza Castelao, Praza Illas Cies, Rúa Concepción Arenal, Celso Emilio Ferreiro, Rosalía de Castro e o Paseo da Mariña Lucense, entre outros, son nomes que hoxe lembran Galicia na Cidade de Sabadell, dos que Roxelio foi o seu impulsor, xunto coas sucesivas Xuntas Directivas do Centro Galego Nós. Tamén levou Sabadell a Galicia, na súa localidade natal Trabada, atopamos unha das principais rúas co nome Rúa Cidade de Sabadell.

Toda esta labor fixo que o Centro Galego Nós hoxe sexa unha das entidades galegas máis prestixiadas en Cataluña, e as súas relacións institucionais, sobre todo a nivel municipal, gocen dun alto nivel de colaboración mutua, ademais de levar a termo un programa de actividades importante, tanto no ámbito da colectivo galego en Cataluña, como na Cidade de Sabadell.

En recoñecemento a súa labor de divulgación de Galicia, e especialmente da Mariña Lucense, da que hoxe sigue namorado, no ano 1997, foille concedido o premio “Lucense do Ano”, do que se sinte enormemente orgulloso, o mesmo que do que lle acaban de conceder en Sabadell, a súa segunda familia, os socios e amigos do Centro Galego Nós, e tamén o Concello ao galardoalo co Escudo da Cidade de Sabadell, son agasallos e recoñecementos por toda unha vida facendo Galicia en Cataluña e Cataluña en Galicia.