¿Dónde estoy?  > Comunidades > Galicia

Uns 15 membros de Galiza Nova despregaron este mediodía na catedral de Santiago unha pancarta co lema 'En Galiza, en Galego.
Temos Dereito' coa que reivindican os dereitos lingüísticos dos galegofalantes e apelan a que os mozos utilicen a lingua do país ‘en todos os ámbitos’ da súa vida.

Miembros de Galiza Nova junto a la pancarta.

Mentres os integrantes da organización xuvenil do BNG permanecían na escalinata da Praza do Obradoiro, de onde pendía a pancarta, a súa secretaria xeral, Iria Aboi, explicou aos medios que esta acción forma parte da súa campaña en defensa do idioma, con motivo do Día das Letras Galegas, que se celebra o 17 de maio, pasadomañá.

Deste modo, realizou unha chamada a toda a xuventude para que utilice o galego en todos os espazos sociais, como o ocio, o deporte ou o traballo. Ademais, destacou a importancia simbólica deste acto na capital de Galicia, ao tempo que os seus compañeiros berraban consignas como 'Sempre en Galiza, Sempre en Galego', en alusión ao título do ensaio do histórico galeguista Castealo.

Así mesmo, Iria Aboi sinalou que accións como a de hoxe se repetirán mañá na Muralla de Lugo, o sábado en Pontevedra e no castelo de Ribadavia e un día aínda sen determinar na ponte sobre o Río Miño que une Tui coa fronteira lusa. Tamén aproveitou para facer un chamamento á participación na manifestación convocada por A Mesa para o próximo domingo en Santiago.

Preguntada polo acordo alcanzado onte no Parlamento para pedir que se incentive a presenza do galego no comercio, a responsable de Galiza Nova valorou este tipo de medidas e apostou por que todos departamentos de Xunta se sumen a iniciativas de promoción da lingua da comunidade.